دكتوره:- شيماء حسن محمد بدايه 2022

بمناسبة رجوع المدارس ☺️ - بلاش تنزلوا ولادكوا المدرسة وهما زعلانين مهما كان السبب .😇 -قوللهم كلام حلو وهما نازلين المدرسة (هتوحشوني ، ربنا معاكوا ، بحبكوا اوي ) -بلاش تخليهم يناموا بليل وهما زعلانين مهما كانت الأسباب ايه حتي لو الموضوع كبير اجلي المناقشة فيه للوقت المناسب 😉😊 - بلاش تصحوا الاولاد علي خناق براحه نضحك في وشهم نقولهم ( صباح الفل ، نالف اغنية فيها أسمائهم وغنيها ) 😇 - استقبلوا الولاد وهما خارجين من المدرسة بالابتسامة الحلوة ..وحشتوني اوي ..🥰😍 -بلاش نذاكر للأولاد واحنا مستعجلين وورانا حاجه عايزين نعملها لاني هتقلب خناقة - خلصوا كل اللي وراكوا قبل لما هما يرجعوا من المدرسة لاني مش ذنبهم انك مستعجلبن فتزعقوا عشان يخلصوا بسرعه 😒😏 # مركز اجيال المستقبل والتكنولوجيا

إرسال رسالة إلكترونية

تعليقات

إرسال تعليق

المشاركات الشائعة

دكتوره:- شيماء حسن محمد بدايه 2022

خلصت جامعة؟ خليني اقولك اللي ماحدش قالهولي وأنا في سنك! ف أرجوك ركز اوي!! 1- الفترة دي مش بتاعت فلوس خالص! الفترة دي فتره الزراعة عشان لما تكبر تحصد اللي زرعته ف اشتغل في المكان اللي تلاقي فيه ناس تعلمك حتي لو بمرتب ضعيف! 2-إياك تتردد أنك تشتغل في شركة صغيرة! الميزه هناك أنك هتلم بكل حاجه بتحصل في كل الأقسام.. 3- فكك من موضة ال startup بيزنيس وإنك تعمل مشروع لنفسك! اتعلم في فلوس الناس الأول.. 4- ماتخفش من إنك تتنقل كتير! أسطورة أن ال Jumper أو اللي بيتنقل كتير غلط دي اسطوره اخترعها اخوانا الHR عشان يستعبدُ حديثي التخرج لأطول فترة ممكنة! طالما بتتحرك للمكان الأحسن اتحررررررك! 5- أعمل علاقات علي قد ما تقدر! اه الشغل في مصر قايم علي العلاقات(ماقصدش الوسايط).. 6- ضيع فلوسك علي الكورسات! التعليم مابيخسرش!! 7- لو كل 3 شهور معملتش تعديل لCV وزودت كورسس اخدتها أعرفك انك ماشي غلط! 8- اسحل نفسك في الشغل وأنك تتعلم! ولو اشتغلت Call center ماتقعدش اكتر من سنة فيها! 9- أخر حاجة! إياك تكون بخيل! اتعلمت حاجة علمها للي حواليك! الرزق بتاع ربنا، كقاعدة الجزاء من جنس العمل! هتعلم حد هيجيلك اللي يعلمك!! هتساعد حد يلاقي شغل؟! هيجيلك اللي يجبلك شغل لحد عندك!! الكام سطر دول خلاصة 7 سنين شغل ما بين شغل في الجامعة وشغل في شركات ومكاتب ! جايز يكون جزء من كلامي غلط او مش قياسي بس صدقني لو في هدف من البوست دا ف هو اني اقولك كلام كان نفسي اسمعه اول ما أتخرجت. # مركز اجيال المستقبل

إرسال تعليق
صورة
دكتوره:- شيماء حسن محمد بدايه 2022

الطفل اللي دايمًا يستأذن… حتى في اللعب نشوف طفل ما يجريش غير لما يبص، ما يلعبش غير لما يسأل، وما يتحركش غير بعد إذن. فنقول: «مؤدّب»، «متربّي»، «محترم زيادة عن اللزوم». بس السؤال الأهم؟ هو مرتاح… ولا خايف؟ 🤍 ليه طفل يستأذن في كل حاجة؟ 1️⃣ خايف يغلط اتعلّم بدري إن الغلط بيجي وراه لوم أو عقاب، فبقى الأمان عنده في السؤال. 2️⃣ متعود إن قراره مش مهم كل مرة اختار لوحده واترفض أو اتصحّح، فاتعلم إن الأفضل ما يختارش. 3️⃣ بيقرأ مزاج الكبار قبل ما يلعب يشوف: ماما هتضايق؟ بابا متعصّب؟ الأمان أهم من اللعب. 4️⃣ حب مشروط حاسس إن القبول مرتبط بـ “الالتزام” مش بـ كونه طفل. 5️⃣ تحمّل أكبر من سنّه اتعود يكون “عاقل” بدري، فنِسي يكون حر. ⚠️ إمتى نقلق؟ يستأذن حتى في حاجات بسيطة جدًا يتلخبط لو قلت له: «اختار إنت» يقلق لو لعب من غير إذن يستنى التعليمات أكتر ما يستمتع 🌱 إزاي نساعده يحس بالأمان؟ 1️⃣ طمّنه إن اللعب مش غلط “اللعب حقك مش مكافأة”. 2️⃣ ادّيه مساحات اختيار حتى لو صغيرة: تلعب إيه؟ فين؟ إمتى؟ 3️⃣ افصل بين السلوك والحب غلطك مش هيخلّيني أحبك أقل. 4️⃣ قلّل التصحيح المستمر مش كل حركة محتاجة تعليق. 5️⃣ خليك ثابت مزاجك المتقلّب بيخلّي الطفل دايمًا يستأذن. 🎯 الخلاصة: الطفل اللي دايمًا يستأذن مش دايمًا مطيع… ساعات بيكون مش واثق إن من حقه يتحرك لوحده. 📩 لو حاسس إن طفلك “عاقل زيادة” عن سنّه، راجع المساحة اللي واخدها علشان يكون طفل براحته. علشان نفهم سلوك ولادنا تابع معايا 👌🏻 من زاوية الأمان… مش المظاهر

إرسال تعليق